«Yuventus»ning sobiq himoyachisi Mattia de Shilyo Krishtianu Ronaldu bilan bir jamoada o‘ynagan kezlarini yodga oldi.

Italiyalik futbolchi 2017 yildan 2025 yilgacha «byankoneri»ga tegishli bo‘lib, vaqti-vaqti bilan ijarada to‘p surgan. Portugaliyalik hujumchi esa 2018 yildan 2021 yilgacha Turin klubi sharafini himoya qilgan.

«Ronalduni ko‘rganingizda, bunday futbolchining o‘yinini kuzatish imkoniyati hayotda faqat bir marta berilishini darhol tushunasiz. U kiyinish xonasidagi barchaga muqarrar ravishda ta’sir o‘tkazadi va umumiy mezonni (plankani) baland ko‘taradi. Agar unga yetishib olishni istasangiz, 200 foiz kuch bilan ishlashingiz kerak bo‘ladi. Krishtianu — o‘z ishiga sodiqlik va professionallik namunasi, shu bilan birga, shaxsiy suhbatda doimo ijobiy kayfiyatda bo‘ladi, hazillashishni yaxshi ko‘radi.

Unga qarshi o‘ynash ham aql bovar qilmas — unutilmas tajriba edi. Uning «Real» safida «Yuventus»ga qarshi o‘yinda chalqancha uslubda yo‘llagan zarbasi — bu shunchaki o‘zgacha voqea», — deya hozirda klubi yo‘q bo‘lgan de Shilyoning so‘zlarini keltiradi Al Nassr Zone.