Angliya Premyer-ligasining 34-turi doirasidagi o‘z maydonida kechadigan bahsda Londonning «Arsenal» jamoasi «Nyukasl» bilan to‘qnash keladi. «Tottenxem»ning sobiq hujumchisi Roman Pavlyuchenko bo‘lajak o‘yin borasida o‘z fikrlari bilan o‘rtoqlashdi.

«Arsenal» ko‘proq ishtiyoq bilan harakat qiladi, ular oxirigacha borishlari va «Manchester Siti»ning xato qilishini kutishlari kerak. Bu yerda hamma narsa mantiqan maydon egalarining g‘alabasiga ishora qilmoqda, ehtimol ikkita to‘p farqi bilan», — dedi ekspert.

«Arsenal» va «Nyukasl» o‘rtasidagi uchrashuv bugun, 25 aprel kuni Londonning «Emireyts» stadionida bo‘lib o‘tadi. O‘yin Toshkent vaqti bilan soat 21:30 da boshlanadi.

«To‘pchilar» Angliya chempionati turnir jadvalida ikkinchi o‘rinni egallab turibdi, «qarg‘alar» esa 14-pog‘onadan joy olgan.