Xosep Gvardiola boshchiligidagi «Manchester Siti» klubi Angliya Kubogi yarim finalida «Sautgempton» ustidan g‘alaba qozonib (2:1), musobaqaning hal qiluvchi bahsiga yo‘l oldi. Endi «shaharliklar» finalda «Chelsi» yoki «Lids» jamoalaridan biri bilan kuch sinashadi.
Qayd etish joizki, «Manchester Siti» ketma-ket to‘rtinchi mavsumdirki Angliya Kubogi finaliga qadar yetib kelmoqda. Jamoa 2023 yilda bosh sovrinni qo‘lga kiritgan bo‘lsa, 2024 yilda «Manchester Yunayted»ga, 2025 yilda esa kutilmaganda «Kristal Pelas»ga imkoniyatni boy berib, kumush medallar bilan kifoyalangan edi.
Ma’lumot uchun, «Siti» o‘z tarixi davomida jami 7 bor Angliya Kubogida zafar quchgan. Joriy yilgi final jamoa uchun mazkur sovrinlar sonini oshirish uchun yaxshi imkoniyat hisoblanadi.
