«Manchester Siti» vingeri Jeremi Doku Angliya Kubogi yarim finali doirasida «Sautgempton»ga qarshi kechgan bahsda (2:1) jamoadoshi Niko Gonsales urgan gol uni hayratda qoldirganini tan oldi.
«Shaharliklar» 79-daqiqada gol o‘tkazib yuborishgan edi, biroq oradan atigi uch daqiqa o‘tib, Dokuning harakatlari evaziga muvozanatni tiklashdi. Yana besh daqiqadan so‘ng belgiyalik futbolchi Nikoga golli uzatma yetkazib berdi va u yakuniy hisobni o‘rnatdi.
«Rostini aytsam, men hayratdaman! Nikoga endi darvozaga tez-tez zarba berib turishi kerakligini albatta aytaman. Qanday gol! Qanday gol! Dahshatli lahza», — deya Dokuning intervyusidan iqtibos keltiradi City Report.
Angliya Kubogining ikkinchi finalchisi bugun «Chelsi» va «Lids» o‘rtasidagi uchrashuvda aniqlanadi.
