Argentinalik yarim himoyachi, hozirda Italiyaning «Komo» klubida to‘p surayotgan Nikolas Pas faoliyatini Ispaniya chempionatida davom ettirishi mumkin.
Insayder Fabrisio Romanoning ijtimoiy tarmoqlar orqali xabar berishicha, Madridning «Real» klubi yarim himoyachini ortga qaytarishdan manfaatdor. Pas 2022 yildan 2024 yilgacha «qirollik klubi» a’zosi bo‘lgan, shundan so‘ng A Seriyaga yo‘l olgan edi. Nikolasning «qaymoqranglilar» safiga o‘tishi yozgi transfer oynasida amalga oshishi mumkin. Yarim himoyachining o‘zi «Real»ga qaytishga rozilik bergan.
Italiya chempionatining joriy mavsumida Pas 32 ta uchrashuvda maydonga tushib, 12 ta gol va 6 ta golli uzatmani o‘z hisobiga yozdirib qo‘ydi.
