«PSJ» bosh murabbiyi Luis Enrike Liga 1 doirasida «Anje» ustidan qozonilgan g‘alabani (3:0) sharhladi. Parijliklar shanba kungi bahsda Li Kan In, Senni Meyulyu va Lukas Beraldo tomonidan 7, 39 va 52-daqiqalarda kiritilgan gollar evaziga zafar quchishdi.
«Bunday g‘alaba — Chempionlar ligasi yarim finaliga tayyorgarlik ko‘rishning eng yaxshi usuli. Bu ham har bir futbolchining shaxsiy ishonchi uchun, ham jamoa va muxlislar uchun muhim. Biz «Bavariya» bilan o‘yinga tayyor bo‘lamiz. Tayyorgarlik esa ertangi mashg‘ulotlardan boshlanadi», — dedi Enrike PSGTV bilan suhbatda.
«PSJ» va «Bavariya» o‘rtasidagi dastlabki to‘qnashuv seshanba kuni, 28 aprel kuni Parijda bo‘lib o‘tadi. Javob o‘yini esa 6 mayga belgilangan.
