«Yuventus» hujumchisi Dushan Vlaxovich faoliyatini Ispaniyada davom ettirishi mumkin. Fichajes nashri ma’lumotlariga ko‘ra, serbiyalik futbolchining transferiga «Barselona» qiziqish bildirmoqda. Kataloniya klubi avval ham hujumchini sotib olishga uringan edi va endilikda unga bo‘lgan qiziqishini qayta tikladi.
«Ko‘k-anorranglilar», agar Vlaxovich «Yuventus» bilan shartnomasini uzaytirmasa, uni yozda erkin agent sifatida o‘z safiga qo‘shib olmoqchi. Dushan Vlaxovich 2022 yilda 85 million yevro evaziga «Fiorentina»dan «Yuventus»ga o‘tgan edi. Uning amaldagi kelishuvi 2026 yilning 30 iyuniga qadar mo‘ljallangan.
Joriy mavsumda Dushan Vlaxovich «Yuventus» safida barcha musobaqalarda 18 ta o‘yinda maydonga tushib, 6 ta gol urdi va 2 ta golli uzatmani amalga oshirdi.
