«Ювентус» ҳужумчиси Душан Влахович фаолиятини Испанияда давом эттириши мумкин. Fichajes нашри маълумотларига кўра, сербиялик футболчининг трансферига «Барселона» қизиқиш билдирмоқда. Каталония клуби аввал ҳам ҳужумчини сотиб олишга уринган эди ва эндиликда унга бўлган қизиқишини қайта тиклади.
«Кўк-анорранглилар», агар Влахович «Ювентус» билан шартномасини узайтирмаса, уни ёзда эркин агент сифатида ўз сафига қўшиб олмоқчи. Душан Влахович 2022 йилда 85 миллион евро эвазига «Фиорентина»дан «Ювентус»га ўтган эди. Унинг амалдаги келишуви 2026 йилнинг 30 июнига қадар мўлжалланган.
Жорий мавсумда Душан Влахович «Ювентус» сафида барча мусобақаларда 18 та ўйинда майдонга тушиб, 6 та гол урди ва 2 та голли узатмани амалга оширди.
