«Manchester Siti» bosh murabbiyi Xosep Gvardiola «Arsenal» muxlislarining «Mikel Artetaga chempionlikni bering» degan chaqiriqlariga javob qaytardi.
«Unga chempionlikni bering? Bu xayriya emas, bu — Premyer-liga. Menga hech kim hech narsa sovg‘a qilmagan — barchasini o‘zim olganman. Agar Arteta titulni istasa, u meni qayerdan topishni biladi. Ammo mendan chetga chiqib turishimni so‘ramang, go‘yoki men charchagandek… Men g‘alaba qozonishdan charchaganim yo‘q.
Aytishyaptiki, «Arsenal» chempionlikka loyiq. Loyiq — nima uchun? Ikkinchi o‘rinni chiroyli egallagani uchunmi? Sovrinlar achinganlik uchun berilmaydi. Sizlar mening yana g‘alaba qozonishimni istamaysizlarmi? Unda meni to‘xtatinglar. Hammasi juda oddiy», — dedi Gvardiola CentreGoalHQ portaliga.
Hozirda Manchester jamoasi «to‘pchilar» bilan Angliya Premyer-ligasi chempionligi uchun kurash olib bormoqda. Ayni paytda Gvardiola shogirdlari 33 ta o‘yindan so‘ng 70 ochko bilan ikkinchi o‘rinda bormoqda. «Arsenal» esa 34 uchrashuvdan keyin 73 ochko bilan peshqadamlik qilmoqda.













