Bugun, 27 aprel kuni futbol bo‘yicha O‘zbekiston Superligasining 10-tur uchrashuvlariga start beriladi. Turning ilk kun dasturidan ikkita qiziqarli bellashuv o‘rin olgan.
Kunning markaziy o‘yinida Olmaliqning OKMK hamda Toshkentning «Lokomotiv» jamoalari o‘zaro to‘qnash kelishadi. Ushbu bahs soat 19:00 da boshlanadi.
Shuningdek, xuddi shu vaqtda parallel ravishda Muborakning «Mash’al» jamoasi o‘z maydonida «Buxoro» klubini qabul qiladi. Voha derbisi maqomidagi ushbu bellashuv ham muxlislar uchun keskin kurashlarga boy bo‘lishi kutilmoqda.
Ma’lumot uchun, 10-tur bahslari uch kun davom etadi va 29 aprel kuni yakuniga yetadi.
