«Liverpul» klubi «PSJ»ning 18 yoshli qanot hujumchisi Ibragim Mbaye uchun kurashda peshqadamlik qilmoqda. Senegallik vinger o‘ziga berilayotgan o‘yin vaqtidan norozi bo‘lgani sababli, kelayotgan yozda Fransiya grandini tark etishi mumkin. Bu haqda Caught Offside nashri xabar bermoqda.
Manba bergan ma’lumotlarga ko‘ra, Mbayega «Liverpul»dan tashqari «Manchester Siti», «Vest Xem Yunayted» va «Brayton» klublari ham qiziqish bildirmoqda.
Joriy mavsumda Mbaye barcha turnirlarda 28 ta o‘yinda maydonga tushib, bitta gol va ikkita golli uzatmani amalga oshirdi. Futbolchining klub bilan amaldagi shartnomasi 2028 yilning yoziga qadar mo‘ljallangan. Transfermarkt portali ma’lumotlariga ko‘ra, futbolchining bozor qiymati 30 million yevroni tashkil etadi.
