«Bavariya» Chempionlar Ligasi yarim finalining dastlabki o‘yinida «PSJ»ga imkoniyatni boy berdi (4:5). Opta nashrining xabar berishicha, Myunxen jamoasi 1995 yilning aprelidan buyon ilk bor yevrokuboklarda o‘z darvozasidan 5 ta to‘p olib chiqdi.
Oxirgi marta bunday holat 1994/95 yilgi mavsumda, Chempionlar Ligasi yarim finali doirasidagi «Ayaks»ga qarshi safar o‘yinida kuzatilgan edi — o‘shanda nemislar 2:5 hisobida mag‘lub bo‘lishgan.
Bundan tashqari, «Pari Sen-Jermen» 2025/26 yilgi mavsumda Chempionlar Ligasining 4 ta o‘yinida kamida 5 tadan gol urishga muvaffaq bo‘ldi — bu turnirning joriy mavsumidagi boshqa har qanday jamoa ko‘rsatkichidan yuqoridir.
«PSJ» va «Bavariya» o‘rtasidagi yarim final javob uchrashuvi bir haftadan so‘ng, 6 may kuni Myunxenda bo‘lib o‘tadi. Ushbu juftlik g‘olibi finalga yo‘l oladi va u yerda «Atletiko» hamda «Arsenal» qarama-qarshiligi g‘olibi bilan bosh sovrin uchun kurashadi.
