«Napoli»ning markaziy yarim himoyachisi Andre-Frank Zambo-Angissa kelayotgan yozda klubini o‘zgartirishi mumkin. Bu haqda Calciomercato nashri xabar bermoqda.

Manba bergan ma’lumotlarga ko‘ra, kamerunlik xavbek «Milan» e’tiborini tortgan. «Rossoneri» rahbariyati hozircha neapolliklar bilan bog‘langani yo‘q, biroq futbolchiga nisbatan aniq qiziqish mavjud. Qayd etilishicha, «Milan» ustozi Massimiliano Allegri maydon markazida jismoniy jihatdan baquvvat o‘yinchiga ehtiyoj sezmoqda.

Joriy mavsumda 30 yoshli Zambo-Angissa barcha turnirlarda 21 ta o‘yinda maydonga tushib, 4 ta gol urdi va 2 ta golli uzatmani amalga oshirdi.