«Наполи»нинг марказий ярим ҳимоячиси Андре-Франк Замбо-Ангисса келаётган ёзда клубини ўзгартириши мумкин. Бу ҳақда Calciomercato нашри хабар бермоқда.

Манба берган маълумотларга кўра, камерунлик хавбек «Милан» эътиборини тортган. «Россонери» раҳбарияти ҳозирча неаполликлар билан боғлангани йўқ, бироқ футболчига нисбатан аниқ қизиқиш мавжуд. Қайд этилишича, «Милан» устози Массимилиано Аллегри майдон марказида жисмоний жиҳатдан бақувват ўйинчига эҳтиёж сезмоқда.

Жорий мавсумда 30 ёшли Замбо-Ангисса барча турнирларда 21 та ўйинда майдонга тушиб, 4 та гол урди ва 2 та голли узатмани амалга оширди.