Portugaliyalik mutaxassis Joze Mourinyo bir oy muqaddam Bosniyaning Zenisa shahrida yuz bergan voqea — italiyaliklarning jahon chempionatiga qaytish orzulari Bosniya va Hersegovina terma jamoasi tomonidan shafqatsizlarcha chippakka chiqarilgani haqida gapirib o‘tdi. Mourinyoning so‘zlariga ko‘ra, u bunga ishona olmagan.
«Men o‘yinni Ruy Koshta bilan birga tomosha qildim va ikkalamiz ham ko‘zlarimizga ishona olmadik — qanday qilib bunday bo‘lishi mumkin? Lekin aynan shu voqea sodir bo‘ldi», — deya portugaliyalik mutaxassisning so‘zlarini keltiradi pianetamilan.it sayti.
Eslatib o‘tamiz, Joze Mourinyo ilgari Italiya futbolida Milanning «Inter» va «Roma» kabi klublarida faoliyat yuritgan. Hozirda u Lissabonning «Benfika» jamoasini boshqarmoqda.
