Португалиялик мутахассис Жозе Моуриньо бир ой муқаддам Босниянинг Зеница шаҳрида юз берган воқеа — италияликларнинг жаҳон чемпионатига қайтиш орзулари Босния ва Ҳерцеговина терма жамоаси томонидан шафқатсизларча чиппакка чиқарилгани ҳақида гапириб ўтди. Моуриньонинг сўзларига кўра, у бунга ишона олмаган.
«Мен ўйинни Руй Кошта билан бирга томоша қилдим ва иккаламиз ҳам кўзларимизга ишона олмадик — қандай қилиб бундай бўлиши мумкин? Лекин айнан шу воқеа содир бўлди», — дея португалиялик мутахассиснинг сўзларини келтиради pianetamilan.it сайти.
Эслатиб ўтамиз, Жозе Моуриньо илгари Италия футболида Миланнинг «Интер» ва «Рома» каби клубларида фаолият юритган. Ҳозирда у Лиссабоннинг «Бенфика» жамоасини бошқармоқда.
