Madridning «Atletiko» klubi hujumchisi Antuan Grizmann Chempionlar ligasi yarim finali doirasida londonliklarga qarshi kechgan dastlabki uchrashuvdan (1:1) so‘ng o‘z fikrlari bilan o‘rtoqlashdi.
«Ikkinchi bo‘limda biz ancha mazmunli va yuqori tempda o‘yin ko‘rsatdik. Bu to‘g‘ri yondashuv va javob bahsida ham aynan shunday uslubda harakat qilamiz. Kelasi haftada bizni ajoyib o‘yin kutmoqda. Maqsadimiz — finalga chiqish. Men «Arsenal»ga qarshi bahslarga juda jiddiy tayyorgarlik ko‘rganman. Umid qilamanki, keyingi bosqichga biz yo‘l olamiz», — deya ta’kidladi uchrashuvning eng yaxshi futbolchisi deb topilgan Grizmann.
