Мадриднинг «Атлетико» клуби ҳужумчиси Антуан Гризманн Чемпионлар лигаси ярим финали доирасида лондонликларга қарши кечган дастлабки учрашувдан (1:1) сўнг ўз фикрлари билан ўртоқлашди.
«Иккинчи бўлимда биз анча мазмунли ва юқори темпда ўйин кўрсатдик. Бу тўғри ёндашув ва жавоб баҳсида ҳам айнан шундай услубда ҳаракат қиламиз. Келаси ҳафтада бизни ажойиб ўйин кутмоқда. Мақсадимиз — финалга чиқиш. Мен «Арсенал»га қарши баҳсларга жуда жиддий тайёргарлик кўрганман. Умид қиламанки, кейинги босқичга биз йўл оламиз», — дея таъкидлади учрашувнинг энг яхши футболчиси деб топилган Гризманн.
