Londonning «Arsenal» klubi darvozaboni David Rayya Chempionlar ligasi yarim finali doirasida Madridning «Atletiko» jamoasiga qarshi kechgan dastlabki bahs (1:1) haqida o‘z fikrlarini bildirdi.
Ispaniya poytaxtida o‘tgan uchrashuvda «kanonirlar»ning yagona goliga birinchi bo‘lim yakunida penaltini aniq ijro etgan Viktor Dyokeresh mualliflik qildi. Maydon egalari esa 56-daqiqada Xulian Alvaresning penaltidan urgan goli evaziga muvozanatni tiklashga muvaffaq bo‘lishdi.
«Bu juda og‘ir o‘yin bo‘ldi. Endi hammasi kelasi haftada hal qilinadi. Qo‘llab-quvvatlaganingiz uchun rahmat, «kanonirlar»!» — deb yozib qoldirdi Rayya uchrashuv yakunlanganidan so‘ng o‘z ijtimoiy tarmoqlaridagi sahifasida.
Eslatib o‘tamiz, «Arsenal» va «Atletiko» jamoalari o‘rtasidagi hal qiluvchi javob uchrashuvi 5 may kuni Londondagi «Emireyts» stadionida bo‘lib o‘tadi.
