Londonning «Arsenal» jamoasi yarim himoyachisi Deklan Rays Chempionlar ligasi yarim finalida «Atletiko»ga qarshi birinchi uchrashuvdan keyingi fikrlari sabab UYEFA tomonidan intizomiy jazoga tortilishi mumkin. Bu haqda The Times xabar berdi.
Madridda bo‘lib o‘tgan ilk uchrashuv 1:1 hisobida yakunlandi. Jamoalar penalti orqali bittadan gol urdi — Xulian Alvares va Viktor Dyokeresh o‘z nomini tabloga yozdirdi. Uchrashuvdagi eng muhim vaziyat ikkinchi bo‘limda yuz berdi, hakam Danni Makkeli dastlab «Arsenal» foydasiga penalti belgilagan, keyin VAR aralashuvidan so‘ng qarorini bekor qilgan edi.
O‘yindan so‘ng Deklan Rays ushbu epizodni tanqid qildi. Manbaga ko‘ra, UYEFA bu holat yuzasidan ish ochish imkoniyatini ko‘rib chiqmoqda va futbolchi diskvalifikasiya qilinishi mumkin.













