«PSJ» ustozi Luis Enrike bugungi «Loryan»ga qarshi bo‘lib o‘tadigan Liga 1 o‘yini oldidan tarkibdagi o‘zgarishlar haqida to‘xtalib o‘tdi.
«Har bir o‘yin o‘ziga xos va o‘z qiyinchiliklariga ega. Biz barcha omillarni hisobga olishimiz kerak. Har bir futbolchi bilan alohida gaplashib olishim lozim. Bu oson emas, xuddi "Tetris" o‘ynashga o‘xshaydi. Biz ham uch ochkoni qo‘lga kiritishimiz, ham futbolchilarni mavsumning eng muhim o‘yiniga tayyorlashimiz kerak», — dedi Enrike.
Murabbiyning asosiy vazifasi — ichki chempionatda g‘alaba qozonish bilan birga, «Bavariya»ga qarshi hal qiluvchi bahs oldidan yetakchi futbolchilarning kuchini to‘g‘ri taqsimlash bo‘lib turibdi.
