«Manchester Siti» bosh murabbiyi Xosep Gvardiola «Liverpul» qanot hujumchisi Muhammad Salohning o‘yini haqida fikr bildirdi. Misrlik futbolchi ingliz klubidagi so‘nggi mavsumini o‘tkazmoqda.
«U menga doim bosh og‘rig‘i bo‘lgan. «Manchester Siti»ning o‘yin uslubi «Liverpul» uchun ayni muddao edi. Trent Aleksander-Arnold va Endryu Robertson ham o‘sha yerda edilar (Robertson ham mavsum oxirida «Liverpul»ni tark etadi). U afsona va mening cheksiz hurmatimga loyiq», — deya Gvardiolaning so‘zlarini keltiradi Sky Sports.
Saloh 2017 yildan beri «Liverpul» sharafini himoya qilib kelmoqda. Ushbu davr mobaynida 33 yoshli hujumchi barcha turnirlarda 440 ta uchrashuvda ishtirok etib, 257 ta gol va 122 ta golli uzatmani amalga oshirgan.
