Bugun, 3 may kuni futbol bo‘yicha O‘zbekiston Superligasida 11-tur bahslari davom ettiriladi. Tur doirasida jami uchta uchrashuv bo‘lib o‘tishi rejalashtirilgan.
Kun dasturini Olmaliqdagi bahs ochib beradi: mahalliy OKMK jamoasi turnir jadvali peshqadami — Farg‘onaning "Neftchi" klubini qabul qiladi. Uchrashuv soat 17:00'da boshlanadi.
Shuningdek, soat 18:00'da "Qo‘qon-1912" hamda "Bunyodkor" jamoalari o‘rtasidagi bahsga start beriladi.
Turning bugungi o‘yinlariga Termizda yakun yasaladi. Unda "Surxon" o‘z maydonida "Paxtakor" bilan kuch sinashadi. Ushbu bellashuv soat 19:15'da boshlanishi belgilangan.
Superliga. 11-tur 3 may, yakshanba
-
17:00. OKMK — "Neftchi"
-
18:00. "Qo‘qon-1912" — "Bunyodkor"
-
19:15. "Surxon" — "Paxtakor"
