«Manchester Yunayted» chap qanot himoyachisi Patrik Dorgu jamoaning sobiq bosh murabbiyi Ruben Amorimning uning o‘yini haqidagi tanqidiy fikrlarini og‘riqli qabul qilganini tan oldi. O‘tgan yilning oxirida portugaliyalik mutaxassis «har safar Dorgu to‘pni qabul qilib olganida, xavotirga tushaman», deb aytgan edi.

«Bu gaplar ko‘nglimga biroz og‘ir botdi. Murabbiy siz haqingizda yomon gapirsa, bu albatta ta’sir qiladi. Men bundan to‘g‘ri xulosa chiqarishga va o‘yinimni yaxshilashga harakat qildim. Hatto Amorim iste’foga chiqarilishidan oldin ham o‘zimga bo‘lgan ishonchim qayta boshlagan va yaxshi sport formasiga kirib olgan edim», — deya 21 yoshli futbolchining so‘zlarini keltiradi Centredevils.

Eslatib o‘tamiz, Ruben Amorim shu yilning yanvar oyida «qizil iblislar» bosh murabbiyi lavozimidan ozod etilgan edi. Uning o‘rnini Maykl Karrik egalladi.