«Манчестер Юнайтед» чап қанот ҳимоячиси Патрик Доргу жамоанинг собиқ бош мураббийи Рубен Аморимнинг унинг ўйини ҳақидаги танқидий фикрларини оғриқли қабул қилганини тан олди. Ўтган йилнинг охирида португалиялик мутахассис «ҳар сафар Доргу тўпни қабул қилиб олганида, хавотирга тушаман», деб айтган эди.
«Бу гаплар кўнглимга бироз оғир ботди. Мураббий сиз ҳақингизда ёмон гапирса, бу албатта таъсир қилади. Мен бундан тўғри хулоса чиқаришга ва ўйинимни яхшилашга ҳаракат қилдим. Ҳатто Аморим истеъфога чиқарилишидан олдин ҳам ўзимга бўлган ишончим қайта бошлаган ва яхши спорт формасига кириб олган эдим», — дея 21 ёшли футболчининг сўзларини келтиради Centredevils.
Эслатиб ўтамиз, Рубен Аморим шу йилнинг январь ойида «қизил иблислар» бош мураббийи лавозимидан озод этилган эди. Унинг ўрнини Майкл Каррик эгаллади.
