«Manchester Yunayted» sardori Brunu Fernandesh joriy mavsumdagi muvaffaqiyatlariga baho berdi. Portugaliyalik yarim himoyachi Premyer-liganing ushbu mavsumidagi eng yaxshi futbolchisi nomiga asosiy da’vogarlardan biri hisoblanmoqda.

«Bu mavsumda biz ko‘plab ajoyib futbolchilarni ko‘rdik. Yashirib nima qildim, men o‘zimni eng yaxshilar qatorida deb hisoblayman. O‘ylashimcha, men hayratlanarli darajada ajoyib mavsumni o‘tkazdim», — deya Fernandeshning javobini The Touchline nashri keltirmoqda.

Brunu Angliya chempionatining joriy mavsumidagi 31 ta uchrashuvda 8 ta gol urdi va 19 ta golli uzatmani amalga oshirdi. 31 yoshli yarim himoyachi APLning bir mavsumdagi golli uzatmalar rekordini takrorlashi uchun yana bitta assist amalga oshirishi kifoya.