«Манчестер Юнайтед» сардори Бруну Фернандеш жорий мавсумдаги муваффақиятларига баҳо берди. Португалиялик ярим ҳимоячи Премьер-лиганинг ушбу мавсумидаги энг яхши футболчиси номига асосий даъвогарлардан бири ҳисобланмоқда.
«Бу мавсумда биз кўплаб ажойиб футболчиларни кўрдик. Яшириб нима қилдим, мен ўзимни энг яхшилар қаторида деб ҳисоблайман. Ўйлашимча, мен ҳайратланарли даражада ажойиб мавсумни ўтказдим», — дея Фернандешнинг жавобини The Touchline нашри келтирмоқда.
Бруну Англия чемпионатининг жорий мавсумидаги 31 та учрашувда 8 та гол урди ва 19 та голли узатмани амалга оширди. 31 ёшли ярим ҳимоячи АПЛнинг бир мавсумдаги голли узатмалар рекордини такрорлаши учун яна битта ассист амалга ошириши кифоя.
