«Barselona» markaziy himoyachi Alessandro Bastoni transferi bo‘yicha Milanning «Inter» klubi bilan muzokaralar o‘tkazadi. Italiyalik futbolchi anchadan beri Kataloniya grandining qiziqishlari doirasida bo‘lib kelmoqda, turli manbalar esa o‘yinchining «ko‘k-anorranglilar» safiga qo‘shilish istagi borligi haqida bir necha bor xabar bergan.
Diario Sport nashrining ma’lumotiga ko‘ra, «Barselona» tez orada Bastoni bo‘yicha «neradzurri» bilan rasmiy muzokaralarni boshlaydi. «Inter» 27 yoshli futbolchining sotuvidan kamida 60 million yevro ishlab olmoqchi, biroq La Liga grandi narxni tushirishga harakat qiladi – ehtimol, kelishuvga o‘z tarkibidagi futbolchilardan birini qo‘shish orqali.
Yakshanba kuni «Inter» muddatidan oldin Italiya chempioniga aylandi. Klub sport direktori Pyero Auzilio intervyu davomida Bastonining kelajagi haqidagi savolga javob berar ekan, transfer amalga oshishini kutmaslik kerakligiga sha’ma qildi.
