«PSJ» sport maslahatchisi Luish Kampush parijliklarning Chempionlar ligasidagi ishtirokidan so‘ng «Lokomotiv» yarim himoyachisi Aleksey Batrakovning transferi bo‘yicha muzokaralar o‘tkazish uchun Moskvaga uchib keladi.

Aprel oyida «PSJ» Batrakovning transferini yozda amalga oshirish imkoniyatlarini ko‘rib chiqayotgani haqida xabar berilgan edi. Insayder Ivan Karpovning ma’lumotlariga ko‘ra, bu ma’lumot haqiqatga yaqin va rossiyalik futbolchining transferi haqiqatan ham yozga rejalashtirilgan.

Shu bilan birga, «PSJ» «Lokomotiv» o‘yinlariga skautlarini yubormagan va yuborishni rejalashtirmayapti ham: klubda Batrakovning o‘yini haqida yetarlicha ma’lumotlar mavjud. Endilikda faqat «Lokomotiv» rahbariyati va 20 yoshli futbolchining vakillari bilan bevosita muloqot qilish qolgan, xolos.