Italiyaning «Yuventus» klubi «Manchester Siti» yarim himoyachisi Tijani Reyndersni o‘z safiga qo‘shib olmoqchi. Bu haqda Football Insider nashri xabar bermoqda.

27 yoshli niderlandiyalik futbolchi o‘tgan yozda 50 million yevro evaziga «Milan»dan «Manchester Siti»ga o‘tgan edi. Biroq jamoada muntazam o‘yin amaliyotiga ega bo‘lmayotgani sababli, Reynders klubni tark etish haqida o‘ylanib qolgan bo‘lishi mumkin. Avvalroq unga Madridning «Real» klubi ham qiziqish bildirayotgani haqida ma’lumotlar tarqalgan edi.

Reynders A Seriyada to‘p tepish tajribasiga ega ekanligi «keksa sinyora» uchun qo‘shimcha ustunlik hisoblanadi.

Ma’lumot uchun, Tijani Reynders joriy mavsumda «Manchester Siti» safida barcha musobaqalarda 45 ta o‘yinda maydonga tushib, 7 ta gol urdi va 8 ta golli uzatmani amalga oshirdi. Transfermarkt portali futbolchining bozor qiymatini 60 million yevroga baholagan.