Италиянинг «Ювентус» клуби «Манчестер Сити» ярим ҳимоячиси Тижани Рейндерсни ўз сафига қўшиб олмоқчи. Бу ҳақда Football Insider нашри хабар бермоқда.

27 ёшли нидерландиялик футболчи ўтган ёзда 50 миллион евро эвазига «Милан»дан «Манчестер Сити»га ўтган эди. Бироқ жамоада мунтазам ўйин амалиётига эга бўлмаётгани сабабли, Рейндерс клубни тарк этиш ҳақида ўйланиб қолган бўлиши мумкин. Аввалроқ унга Мадриднинг «Реал» клуби ҳам қизиқиш билдираётгани ҳақида маълумотлар тарқалган эди.

Рейндерс А Серияда тўп тепиш тажрибасига эга эканлиги «кекса синьора» учун қўшимча устунлик ҳисобланади.

Маълумот учун, Тижани Рейндерс жорий мавсумда «Манчестер Сити» сафида барча мусобақаларда 45 та ўйинда майдонга тушиб, 7 та гол урди ва 8 та голли узатмани амалга оширди. Transfermarkt портали футболчининг бозор қийматини 60 миллион еврога баҳолаган.