Fransiya chempionati 32-turining so‘nggi uchrashuvida «Lion» muvaffaqiyat qozonib, «Renn» jamoasini 4:2 hisobida mag‘lub etdi. Joriy yilda «Lion» erkaklar jamoasi ishtirok etgan barcha turnirlarni hisobga olsak, o‘tkazilgan 46 ta o‘yinning 28 tasida g‘alaba qozonishga ulgurdi (qizig‘i shundaki, klub ayollar jamoasining natijalari bundan ancha yuqori).
Bu «Lion» uchun 2017/2018 yilgi mavsumdan keyingi eng yaxshi ko‘rsatkichdir. O‘shanda klub mavsum davomida jami 32 ta o‘yinda g‘alaba qozongan edi. Natijada, hozirda «to‘quvchilar» Fransiya chempionati turnir jadvalida uchinchi o‘rinni egallab turishibdi va Chempionlar ligasiga qaytish uchun yaxshi imkoniyatga ega.
