Франция чемпионати 32-турининг сўнгги учрашувида «Лион» муваффақият қозониб, «Ренн» жамоасини 4:2 ҳисобида мағлуб этди. Жорий йилда «Лион» эркаклар жамоаси иштирок этган барча турнирларни ҳисобга олсак, ўтказилган 46 та ўйиннинг 28 тасида ғалаба қозонишга улгурди (қизиғи шундаки, клуб аёллар жамоасининг натижалари бундан анча юқори).

Бу «Лион» учун 2017/2018 йилги мавсумдан кейинги энг яхши кўрсаткичдир. Ўшанда клуб мавсум давомида жами 32 та ўйинда ғалаба қозонган эди. Натижада, ҳозирда «тўқувчилар» Франция чемпионати турнир жадвалида учинчи ўринни эгаллаб туришибди ва Чемпионлар лигасига қайтиш учун яхши имкониятга эга.