«Atletik» jamoaning yangi bosh murabbiyi borasida bir qarorga keldi. Joriy mavsum yakunlanganidan so‘ng, basklar klubi ustozi lavozimini Edin Terzich egallaydi. Mutaxassisning tayinlangani haqida «Atletik» rasmiy saytida xabar berildi.
42 yoshli murabbiy bilan kelishuv 2028 yilning yoziga qadar mo‘ljallangan. Bungacha Terzich Dortmundning «Borussiya» jamoasida faoliyat yuritgan. Shuningdek, uning murabbiylik faoliyati davomida «Vest Xem» va «Beshiktosh» klublari ham bo‘lgan.
«Atletik» Ispaniya La Ligasining joriy mavsumida 34 turdan so‘ng 44 ochko jamg‘arib, turnir jadvalida sakkizinchi o‘rinda bormoqda. Jamoa navbatdagi o‘yinini 10 may kuni o‘z maydonida Ispaniya chempionatining 35-turi doirasida «Valensiya»ga qarshi o‘tkazadi.
