«Атлетик» жамоанинг янги бош мураббийи борасида бир қарорга келди. Жорий мавсум якунланганидан сўнг, басклар клуби устози лавозимини Эдин Терзич эгаллайди. Мутахассиснинг тайинлангани ҳақида «Атлетик» расмий сайтида хабар берилди.
42 ёшли мураббий билан келишув 2028 йилнинг ёзига қадар мўлжалланган. Бунгача Терзич Дортмунднинг «Боруссия» жамоасида фаолият юритган. Шунингдек, унинг мураббийлик фаолияти давомида «Вест Хэм» ва «Бешиктош» клублари ҳам бўлган.
«Атлетик» Испания Ла Лигасининг жорий мавсумида 34 турдан сўнг 44 очко жамғариб, турнир жадвалида саккизинчи ўринда бормоқда. Жамоа навбатдаги ўйинини 10 май куни ўз майдонида Испания чемпионатининг 35-тури доирасида «Валенсия»га қарши ўтказади.
