«Uotford» klubining sobiq futbolchisi Troy Dini Maykl Kerrik qo‘l ostidagi «Manchester Yunayted» jamoasining o‘yini haqida o‘z fikrlari bilan o‘rtoqlashdi.
«Men haligacha ularning o‘yin uslubi qanday ekanligini tushunmayapman. Ular raqib yarim maydonida harakat qiladigan agressiv jamoami yoki himoyada past blokda o‘tiradigan jamoami? Buni bilmayman, chunki har hafta ularning o‘yin uslubi o‘zgarib bormoqda. Ularning ishtirokidagi o‘yinlar u qadar ajoyib bo‘lmadi. To‘g‘ri, «Arsenal» va «Manchester Siti»ga qarshi yaxshi o‘yin ko‘rsatishdi, lekin barqarorlik yo‘q. Biz buni avval Ule Gunnar Sulsher davrida ham ko‘rgandik, u jamoa bilan ikkinchi o‘rinni egallagan edi. Keyin siz unga ishonib ishni topshirasiz, oradan 18 oy o‘tib esa, jamoani yangi bosqichga olib chiqa oladigan mutaxassis emasligi sababli uni ishdan bo‘shatasiz. Kerrik undan nimasi bilan farq qiladi? Bilmayman va menimcha, buni hech kim bilmaydi», — deya Dinining so‘zlaridan iqtibos keltiradi CBS Sport.
Hozirgi vaqtda «Manchester Yunayted» Angliya chempionati turnir jadvalida 35 turdan so‘ng 64 ochko jamg‘argan holda uchinchi o‘rinda bormoqda.
