«Manchester Yunayted» bosh murabbiyi Maykl Karrik jamoaning sobiq ustozi Aleks Fergyusonning sog‘lig‘i haqida gapirdi. Avvalroq shotlandiyalik mutaxassis Angliya Premyer-ligasi 35-turi doirasidagi «qizil iblislar» va «Liverpul» (3:2) o‘rtasidagi bahs oldidan o‘zini yomon his qilgani sababli shifoxonaga yotqizilgan edi.

«Bu xabar menga juda qattiq ta’sir qildi, faqat shuni ayta olaman. Umid qilamanki, u bilan hammasi joyida. Barchamiz ularning sog‘ayib ketishlarini istaymiz va eng ezgu tilaklarimizni yo‘llaymiz. Umid qilamanki, o‘yin natijasi unga oz bo‘lsa-da dalda bo‘ladi», — deya Kerrikning so‘zlarini keltiradi The Independent.

Ma’lumot uchun, Fergyuson 1986 yildan 2013 yilgacha «Manchester Yunayted»ni boshqargan. U jamoa bilan 38 ta sovrinni qo‘lga kiritgan, jumladan, 13 bor APL chempioni bo‘lgan va ikki marta Chempionlar ligasida g‘olib chiqqan.