«Манчестер Юнайтед» бош мураббийи Майкл Каррик жамоанинг собиқ устози Алекс Фергюсоннинг соғлиғи ҳақида гапирди. Аввалроқ шотландиялик мутахассис Англия Премьер-лигаси 35-тури доирасидаги «қизил иблислар» ва «Ливерпуль» (3:2) ўртасидаги баҳс олдидан ўзини ёмон ҳис қилгани сабабли шифохонага ётқизилган эди.
«Бу хабар менга жуда қаттиқ таъсир қилди, фақат шуни айта оламан. Умид қиламанки, у билан ҳаммаси жойида. Барчамиз уларнинг соғайиб кетишларини истаймиз ва энг эзгу тилакларимизни йўллаймиз. Умид қиламанки, ўйин натижаси унга оз бўлса-да далда бўлади», — дея Кэррикнинг сўзларини келтиради The Independent.
Маълумот учун, Фергюсон 1986 йилдан 2013 йилгача «Манчестер Юнайтед»ни бошқарган. У жамоа билан 38 та совринни қўлга киритган, жумладан, 13 бор АПЛ чемпиони бўлган ва икки марта Чемпионлар лигасида ғолиб чиққан.
