«Bavariya» o‘ng qanot himoyachisi Konrad Laymer Chempionlar ligasi yarim finali doirasida «PSJ»ga qarshi kechgan javob o‘yinidan (1:1) so‘ng o‘z taassurotlari bilan o‘rtoqlashdi. O‘tgan hafta Parijda 5:4 hisobida g‘alaba qozongan mehmonlarni bu durang to‘la qanoatlantirdi.

«Bunday tarzda musobaqani tark etish doim og‘ir. Bu darajadagi ikki o‘yinlik qarama-qarshiliklarda hamma narsani kichik detallar — atigi bir nechta qarorlar va bir nechta vaziyatlar hal qiladi. Menda o‘yin taqdirini o‘zgartira olishimiz mumkinligi haqidagi hissiyot bir lahza bo‘lsa ham tark etmadi. Yakunda, afsuski, g‘alaba qozona olmadik va bu juda alamli.

Bizga raqib darvozasi oldida hal qiluvchi harakat yetishmadi — ko‘p zarba yo‘llaganimiz va tez-tez raqib jarima maydonchasida paydo bo‘lganimizga qaramay, o‘sha yuz foizlik imkoniyatni topa olmadik. Golni juda kech urdik. Nazarimda, agar hisobni oldinroq tenglashtirganimizda, stadion yana "jonlangan" bo‘lardi — o‘shanda biz ruhlanib, g‘alabani ilib ketishimiz mumkin edi», — dedi Laymer DAZN nashriga bergan intervyusida.