Argentina terma jamoasi hujumchisi Lionel Messi Neymar Braziliya terma jamoasi tarkibida Jahon chempionatiga borishi kerakmi yoki yo‘qmi, degan savolga javob berdi.
«Mening fikrim xolis bo‘la olmaydi, chunki Neymar — mening do‘stim. Lekin men uning Jahon chempionatiga borishini istardim. U hayotida ko‘plab go‘zal voqealar sodir bo‘lishiga loyiq. U bunga, jumladan, qanday inson ekanligi bilan ham loyiqdir. Jahon chempionatlarida biz doimo eng zo‘r futbolchilarni ko‘rishni istaymiz. Neymar — ana shundaylar qatorida. Umid qilamanki, u Braziliya va butun dunyo uchun qanday ahamiyatga ega ekanligi tufayli ham u yerda bo‘ladi», — deya Messining so‘zlarini keltiradi The Touchline.
Eslatib o‘tamiz, mart oyida Karlo Anchelotti Neymarni Braziliya terma jamoasiga chaqirmagan edi.
