Darvozabon Aleks Meret mavsum yakunlariga ko‘ra «Napoli»dan ketishi ehtimoli yuqori bo‘lgan futbolchilar qatoriga kiradi.
Meret allaqachon jamoaning asosiy darvozaboni maqomini yo‘qotib bo‘lgan. Vaholanki, u Luchano Spalletti davrida «Napoli» uchun zafarli kechgan 2022/2023 yilgi mavsumda aynan shu roldan bahramand bo‘lgan edi. Biroq o‘shandan beri «Napoli»da bir necha bor murabbiy almashdi. Jamoaning hozirgi ustozi Antonio Konte ma’lum vaqtdan beri Meretni asosiy posbon sifatida ko‘rmayapti.
Shu sababli, Il Mattino nashri xabariga ko‘ra, Meret mavsum oxirida «Napoli»ni tark etadi. Ammo hozirda uning keyingi faoliyatini qaysi yo‘nalishda davom ettirishi borasida aniq ma’lumotlar yo‘q.
