Yanvar oyi o‘rtalarida Madridning «Real» klubi bosh murabbiyligidan ketgan ispaniyalik mutaxassis Xabi Alonso o‘z yaqinlariga iqror bo‘ldi.
AS nashrining xabariga ko‘ra, murabbiy o‘tgan yilning yozida «qirollik klubi»ni boshqarish qarorini xato bo‘lganini aytgan. Alonsoning fikricha, u taklifni unchalik mos bo‘lmagan vaqtda qabul qilgan.
Hozirda mutaxassis yangi ish joyi izlamoqda. Matbuotdagi xabarlarga ko‘ra, Alonso faoliyatini Angliya Premyer-ligasida davom ettirishi mumkin. Uning xizmatlariga Londonning «Chelsi» va «Liverpul» klublari qiziqish bildirmoqda.
Eslatib o‘tamiz, «Real»dagi faoliyatidan avval Xabi Leverkuzenning «Bayer» jamoasini boshqargan va u bilan Bundesliga chempioniga aylangan edi.
