O‘zbekiston kubogi 1-turidan o‘rin olgan “Lochin” – “Lokomotiv” (1:0) o‘yinidan so‘ng mehmonlar ustozi Mirko Yelichich o‘z fikrlarini bildirdi.

“Raqiblarga gap yo‘q. Ular jismonan yaxshi futbol namoyish qilishdi. Shuni hisobga olgan holda kurashlarga tayyor turgandik. Mag‘lub bo‘lish alamli. Demak, ruhan ushbu o‘yinga tayyor bo‘lmaganmiz. Ikkinchi bo‘limda anchagina qo‘shgandik, biroq bu ham yetmadi. Bizning o‘yin sifatimiz esa o‘zimiz istagandek bo‘lmadi.

- "Lochin"ni himoyasi haqida fikrlaringiz. Raqib jamoa qanday himoyalandi?

- Yaxshi, yomon emas. Ularda tezlik bor, yaxshi kurashishdi. Bizda ko‘plab vaziyatlar bo‘ldi, biroq ular gol o‘tkazishmadi. Bir vaziyatda fol berilishi kerak edi, lekin bu ham bo‘lmadi. Jismonan kuchli futbolchilar yaxshi kurashishdi.

- "Lokomotiv"ning ushbu mavsumda urgan gollaridan o‘tkazgan gollari ko‘proq. Buning sababi nimada?

- Biz jamoaviy o‘yin ko‘rsatyapmiz. Raqibning barcha harakatlarini ham o‘qib bo‘lmaydi. O‘tkazib yuborilgan gollarni ko‘rish oson. Biroq o‘yinning o‘zidan kelib chiqadigan bo‘lsak, ko‘plab qirralarimiz ochilmoqda. Bizda tarkibdagi barcha futbolchilar o‘z nuqtalariga javob berishadi. O‘tkazib yuborgan gollarimizning yarmi standartdan. Bu yaxshi emas. Bu tomonni ham yaxshilashga harakat qilyapmiz. Buning uchun ko‘proq mehnat qilish kerak.

- O‘tgan o‘yindan keyingi matbuot anjumanida kubok o‘yinlari orqali jamoani xalqaro maydonga qaytarishni istayotganingizni aytgandingiz. "Lokomotiv"ning kubokdagi maqsadi qanday? Jamoaning kubok orqali OCHLga chiqishiga ishonasizmi?

- Bu musobaqada barchaning imkoniyati bor, hattoki "Lochin"da ham. Kubokda istalgan raqib tushib qolishi mumkin. Eng muhimi shu uch o‘yin. Ayrim jamoalar bu bahslardan keyin charchoq alomatlarini his qilishi va xohlagan natijalar qayd etilishi mumkin. Bu esa qilingan mehnatlarni yo‘qqa chiqaradi.