Italiya A Seriyasining 36-turida «Milan» navbatdagi mag‘lubiyatni qabul qilib oldi. «Rossonerilar» o‘z maydonida «Atalanta»ga 2:3 hisobida imkoniyatni boy berdi.
Ma’lum bo‘lishicha, «Atalanta» sakson yildan ko‘proq vaqt ichida ilk bor chempionat doirasida «Milan»ga qarshi safardagi ikkita o‘yinda ketma-ket g‘alaba qozonishga muvaffaq bo‘ldi. Bir yildan sal ko‘proq vaqt oldin, 2025 yilning 20 aprelida Bergamo klubi mehmonda minimal hisobda zafar quchgan edi. Oradan bir yil-u uch hafta o‘tib, ular bu muvaffaqiyatni 3:2 hisobidagi g‘alaba bilan takrorlashdi.
Oxirgi marta «Atalanta» «San-Siro»da bunday seriyani uzoq 1943 yilda qayd etgan edi — o‘shanda bergamoliklar hatto ketma-ket uchta o‘yinda g‘olib chiqishgan.
