«Barselona» hujumchisi Robert Levandovski o‘zining kelajagi haqida gapirdi.

«Yoshim deyarli 38 da, lekin jismonan o‘zimni yaxshi his qilyapman, shuning uchun turli variantlarni ko‘rib chiqyapman.

Shuni hisobga olishim kerakki, endi nafaqat futbol o‘ynash, balki hayotdan zavqlanish vaqti ham keldi. Pastroq darajadagi ligalar? Ehtimol, shunday variant paydo bo‘lar, men buni istisno qilmayman. Shartnomam yakuniga qadar taxminan 50 kun qoldi, shu bois qaror qabul qilish uchun vaqt yetarli. Bir nechta takliflarni eshitib ko‘raman va shundan so‘ng bir to‘xtamga kelaman.

Hozir turgan joyimni qadrlayman va bu menga yoqadi. Keyin nima bo‘lishini ko‘ramiz, lekin bir narsani aniq ayta olaman: men faoliyatimni davom ettirmoqchiman», — dedi polshalik hujumchi AS nashriga bergan intervyusida.

Eslatib o‘tamiz, Levandovski joriy mavsumda «Barselona» bilan Ispaniya chempionligini qo‘lga kiritdi.