«Барселона» ҳужумчиси Роберт Левандовски ўзининг келажаги ҳақида гапирди.

«Ёшим деярли 38 да, лекин жисмонан ўзимни яхши ҳис қиляпман, шунинг учун турли вариантларни кўриб чиқяпман.

Шуни ҳисобга олишим керакки, энди нафақат футбол ўйнаш, балки ҳаётдан завқланиш вақти ҳам келди. Пастроқ даражадаги лигалар? Эҳтимол, шундай вариант пайдо бўлар, мен буни истисно қилмайман. Шартномам якунига қадар тахминан 50 кун қолди, шу боис қарор қабул қилиш учун вақт етарли. Бир нечта таклифларни эшитиб кўраман ва шундан сўнг бир тўхтамга келаман.

Ҳозир турган жойимни қадрлайман ва бу менга ёқади. Кейин нима бўлишини кўрамиз, лекин бир нарсани аниқ айта оламан: мен фаолиятимни давом эттирмоқчиман», — деди польшалик ҳужумчи AS нашрига берган интервьюсида.

Эслатиб ўтамиз, Левандовски жорий мавсумда «Барселона» билан Испания чемпионлигини қўлга киритди.