"Vest Xem" hujumchisi Jarrod Bouen joriy yozgi transfer oynasida London klubini tark etishi mumkin. Daily Mail nashrining xabariga ko‘ra, Premyer-liganing bir nechta klublari 29 yoshli futbolchining holatini diqqat bilan kuzatib bormoqda.
Garchi "Vest Xem" ayni damda APLda jon saqlab qolish uchun kurashayotgan bo‘lsa-da, klub ligada qolishni uddalagan taqdirda ham Bouenning ketishiga ruxsat berilishi kutilmoqda.
"Liverpul" klubi Angliya terma jamoasi a’zosining azaliy muxlisi hisoblanadi. Mersisaydliklar Muhammad Salohdan keyingi davr uchun reja tuzish va hujum chizig‘ini kuchaytirish maqsadida Bouenni asosiy nomzodlardan biri sifatida ko‘rmoqda.
Shuningdek, hujum chizig‘ida islohotlar o‘tkazishni rejalashtirgan Eddi Hau boshchiligidagi "Nyukasl" ham futbolchiga qiziqish bildirmoqda. Bundan tashqari, "Everton" varianti ham istisno etilmayapti — "irislar" ustozi David Moyes 2020 yilda Bouenni "Vest Xem"ga aynan o‘zi taklif qilgani bois uning iqtidorini yuqori baholaydi.
Vaziyatga yaqin manbalarning ta’kidlashicha, kelayotgan transfer oynasida Bouenning transferi 60 million funt sterlingdan kamroq mablag‘ evaziga amalga oshishi mumkin.
