«Manchester Siti» hujumchisi Omar Marmush joriy yozgi transfer oynasida jamoasini o‘zgartirishi mumkin.

Jurnalist Pit O’Rurkning ma’lumotlariga ko‘ra, «shaharliklar» misrlik futbolchini 70 million yevro evaziga qo‘yib yuborishga tayyor. Hujumchi joriy mavsumda muntazam o‘yin amaliyotiga ega bo‘lish borasida qiyinchiliklarga duch kelmoqda, shu sababli u klubdan ketish borasida qat’iy turib olishi mumkin.

Ayni damda «Aston Villa» 26 yoshli futbolchiga jiddiy qiziqish bildirmoqda. «Sherlar» kelasi mavsumda Chempionlar Ligasida ishtirok etishlari inobatga olinsa, hujum chizig‘ini kuchaytirish niyatidalar.

Ma’lumot uchun, Omar Marmush 2025 yilda Frankfurtning «Ayntraxt» klubidan 75 million yevro evaziga «Manchester Siti»ga o‘tgan edi. Uning amaldagi shartnomasi 2029 yilning 30 iyuniga qadar mo‘ljallangan.

Joriy mavsumda hujumchi «shaharliklar» safida barcha turnirlarda 33 ta uchrashuvda maydonga tushib, o‘z hisobiga 7 ta gol va 3 ta golli uzatmani yozdirib qo‘ydi.