«Real Madrid» hujumchisi Kilian Mbappe bosh murabbiylikka Joze Mourinyo tayinlanishi mumkinligi haqidagi xabarlarni ijobiy qabul qilmoqda. Fransiyalik yulduz portugaliyalik mutaxassis qo‘l ostida ishlash ishtiyoqida.
Bu haqda Madrid Universal akkaunti jurnalist Migel Serranoga tayanib xabar bermoqda.
Avvalroq bir qator OAVlar Mourinyoning «Qirollik klubi»ga qaytishi yaqin ekanligi haqida yozgan edi. Record portalining ta’kidlashicha, «Real» ayni damda 63 yoshli murabbiy faoliyat yuritayotgan «Benfika» klubiga shartnomani muddatidan oldin bekor qilgani uchun 7 million yevro tovon puli to‘laydi.
