«Реал Мадрид» ҳужумчиси Килиан Мбаппе бош мураббийликка Жозе Моуриньо тайинланиши мумкинлиги ҳақидаги хабарларни ижобий қабул қилмоқда. Франциялик юлдуз португалиялик мутахассис қўл остида ишлаш иштиёқида.
Бу ҳақда Madrid Universal аккаунти журналист Мигель Серранога таяниб хабар бермоқда.
Аввалроқ бир қатор ОАВлар Моуриньонинг «Қироллик клуби»га қайтиши яқин эканлиги ҳақида ёзган эди. Record порталининг таъкидлашича, «Реал» айни дамда 63 ёшли мураббий фаолият юритаётган «Бенфика» клубига шартномани муддатидан олдин бекор қилгани учун 7 миллион евро товон пули тўлайди.













